Citom mopahigayon og dry run sa S. Osmeña

DUNAY dry run nga pagahimoun ang Cebu City Traffic Operations Management (Citom) ugmang adlawa sa gisemento nga dan S. Osmeña sa North Reclamation Area, dakbayan sa Sugbo.

Ilang ablihan sa publiko ang sementado nga lane sa S. Osmeña aron usab pagtan-aw kon dunay gikinahanglang adjustments nga pagahimoun sa dagan sa trapiko sa maong dalan.

Si Citom operations chief Jonathan Tumulak nagkanayon nga magsugod silag abli sa maong dalan alas 6 karong Biyernes.

Nipahibawo usab siya nga sugod karong Lunes, Agosto 4, sugdan na usab pagtrabaho ang pagsemento sa pikas nga bahin sa maong dalan.

Matod ni Tumulak nga sa mountain side sa maong dan, ibilin ang lane sa labing kilid aron maagian sa mga sakyanan.

Sa mga sakyanan nga di makaagi sa maong gipabilin nga lane, ang laing agianan mao ang dan sa J. Briones ug J. De Vera.

Gitambagan usab ni Tumulak nga ang ablihan nga lane alang alang sa mga light vehicles samtang ang mga dagko nga mga sakyanan adto moagi sa J. Briones ug J. De Vera.

Mi-anunsiyo usab siya nga human sa pagsemento sa Maxilom extension corner S. Osmeña, corner Juan Luna, isunod pagsemento ang Maxilom Extension, corner S. Osmeña hangtod sa T. Padilla Extension.

Dugang niya nga mokabat sa duha ka mga buwan ang pagtrabaho sa maong dan kon di sila maproblema sa panahon. (OBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph