Customs okay sa revamp

NASAYRAN kagahapon sa Bureau of Customs (BOC)-Northern Mindanao nga aprubado kini alang sa revamp sa tanang tag-as nga posisyon sa Mindanao Container Terminal (MCT) sa Tagoloan, Misamis Oriental human nalambigit ang buhatan sa kontrobersiya ni Lynard Allan Bigcas, ang gituohang smuggler sa mahalong sakyanan sa Northern Mindanao.

Si Marvin Mison, deputy collector for administration sa BOC-Northern Mindanao, nagkanayon nga bisan tuod ilang nakita nga kinahanglan ang kompletong revamp sa mga empliyado sa MCT, apan kinahanaglan usab nga sundon ang proseso alang sa maong lakang.

"Yes, we are willing to do a revamp, but we should observe due process. We should not just replace everybody there without being given the proper study whether or not it merits the proposition," matud ni Mison human mipagawas og pamahayag si Kongresista Rufus Rodriguez kagahapon nga daw kulang pa ang pag-relieve ni lawyer Noah Dimaporo isip deputy collector for operations and administration sa MCT.

Matud ni Rodriguez, kongresista sa segundo distrito sa siyudad nga angay ang revamp gikan sa labing taas nga posisyon aron nga dili ma-impluwensyahan ang imbestigasyon sa mga otoridad kon ngano nakasulod sa nasud ang kompirmadong kinawat nga mga sakyanan nga gikatahong walay igong papeles.

"Well, he's (Rodriguez) entitled to it. I support his desire to do a revamp. Sakto ang iyang proposition, but still we should undergo due process. We don't need to replace qualified personnel. But if it is desired, then, we could do some recommendations," niya pa.

Dugang pa niya daw basin hinoon nga mabutang sa alanganin ang mga posisyon human ang revamp tungod kay basin nga maguba ang operasyon sa MCT tungod sa hinanaling pagpuli sa mga opisyal sa buhatan.

"We need to study the move. It should be based on valid grounds," matud ni Mison.

Si Rodriguez ang maoy mibasa sa "black book" nga gipagnag-iyahan ni Bigcas diin nakita nga lakip ang pangalan ni Dimaporo nakalista kauban ang uban pang gamhanang apilyedo dinhi sa Mindanao. (Loui S. Maliza)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph