Dalaga giluba

USA ka dalaga nadala sa ospital human gidunggab didto sa Purok Bariles, Barangay San Pedro, siyudad sa Panabo, Biyernes sa buntag.

Nailhan ang biktima nga mao si Jean Pineda, 18, molupyo sa Purok 1, Barangay San Pedro sa nahisgutang lugar.

Samtang ang suspek nailhan nga mao si Virgincita Havana, 43, molupyo sa samang lugar.

Sa report gikan sa Panabo City Police Station nasayran nga nahitabo ang pagpanunggab pasado alas 9 sa buntag samtang nagpahulay ang biktima didto sa usa ka balay nga gipanag-iyahan sa usa ka Jerry Badonio sa maong lugar, kalit lamang nga miabot ang suspek ug sa way paglangan gidunggab ang biktima gamit ang usa ka kutsilyo.

Nakahiagum og samad dinunggaban sa lawas ang biktima ug daling gidala sa ospital.

Samtang ang suspek wa na sab mihimo sa pag-ikyas ug mitahan sa iyang kaugalingon ngadto sa mga otoridad ug gikatakda nang pasakaan og kaso. (Marvin Pineda)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph