DBTC daog vs. Ateneo

GIPATAPSINGAN sa Don Bosco Techno­logy Center (DBTC) ang Sacred Heart School-Ateneo de Cebu (SHS-AdC), 50-49, sa 12-Under age group Division I sa 2014 Cebu Youth Basketball League (CYBL) Alaska Basketball D-League sa SHS-AdC Gen. Maxilom Campus.

Mao kini ang bugtong kadaugan sa DBTC tungod kay ang uban nilang teams sa ubang mga ka­te­goriya pulos nangapilde.

Sa laing mga duwa sa Division I, midaog ang University of the Visayas (UV) batok sa DBTC, 34-13, samtang gipangmakmak sa University of San Carlos (USC)- North ang Monterey School sa Talisay, 59-25, sa 12-Under.

Sa Division 2, gipang­lubong sa UV-B ang Monterey School sa Talisay, 92-20, ug mao sab kini ang gihimo sa Veps ngadto sa SHS-AdC, 12-7 sa 12-Under.

Sa uban pang mga duwa sa Division 3, milampos ang SHS-AdC-2 batok sa DBTC-B, 45-33, samtang midaog sab ang Thumbs Up kontra sa Don Bosco-Liloan, 58-41, sa 15-Under. Ang Minglanilla milupig sa Monterey School sa Talisay, 68-27. (Jennylyn P. Abainza, PIT ABComm-Intern)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph