Dela Rosa: Dabawenyo nagminghoy

NAGMALINAWON ang syudad sa Davao atol sa away ni Pambansang Kamao Manny Pacquiao kontra Timothy Bradley didto sa MGM Grand sa Las Vegas, Nevada.

Kini ang pamahayag ni Police Sr. Supt. Ronald dela Rosa, direktor sa Davao City Police Office, dihang gihinabi sa Superbalita human sa away ni Pacquiao.

"Mingaw. Wa gyud. Mingaw kaayo ang Davao karong panahona kay napildi si Pacquiao. Nagguol gyud ang mga katawhan karon," pamahayag pa ni Dela Rosa.

Walay natalang mga dagkong panghitabo gikan buntag hangtod alas 2 sa hapon kagahapon sanglit gitan-aw sa kadaghanan ang live nga pay-per-view sa away nila Pacquiao ug Bradley.

Dugang ni dela Rosa nga panahon na tingali para magpahulay si Pacquiao sa iyang karera sa boxing.

"Wa tay mahimo. Wala naman manumbag sa 10, 11, ug 12 rounds. Wala na manumbag. Sige nalang man siya og iskoran sa kalaban. Dapat magpahulay na," dungag ni dela Rosa.

Si Pacquiao gipildi ni Timothy Bradley pinaagi sa split decision sa score nga 115-113. (Blue Cordero)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph