DepEd moimbestigar sa maestro nga namunal og libro

MAESTRO nga gireklamo nga nanakdak og libro sa mga ulo sa napulo ka mga batang tinun-an sa Grade 5 sa Tugas Elementary School sa Barangay Tugas, lungsod sa Madridejos, isla sa Bantayan, gipa-imbestigahan na sa kadagkuan sa Department of Education sa Central Visayas.

Si Dr. Arden Monisit, provincial schools division superintendent sa pakighinabi sa Sun.Star Superbalita nitug-an nga nakadawat siya og kamanduan gikan ni Dr. Recaredo Borgonia, regional director sa DepEd-7 ala 1:30 sa hapon nga nagmando og imbestigasyon sa reklamo batok sa magtutudlo.

Niini, iyang gitahasan si Alfonso Saniel, legal officer sa DepEd Cebu provincial division nga mag-umol og investigating committee nga maoy mosusi sa reklamo.

Ang komite langkuban nila ni Saniel, area consultant ug area assistant superintendent sa Bantayan ug presidente sa Teachers Association sa Madridejos.

Si Monisit gihatagan og lima ka adlaw ni Borgonia pag-imbestigar sa maong reklamo ug pagsumitir sa regional office sa DepEd-7.

Ang maestro gipasanginlan nga midakdak og libro sa ulo sa mga bata human wa sila makaapil sa flag raising ceremony niadtong Biyernes sa buntag sa miaging semana.

Si Mary Ann, (tinuod ngan gipugngan), usa sa mga bata ang mireklamo sa Madridejos Police Station uban sa iyang amahan kay nasamad ang iyang ulo sa pagbunal sa libro sa maestro.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph