DepEd supervisor, bana gipusil, patay

PIKIT, North Cotabato -- Patay ang usa ka opisyal sa Department of Education (DepEd) sa probinsiya, apil ang iyang bana human gipamusil sa mga suspetsado sa riding in tandem alas 5:02 sa hapon niadtong Lunes.

Giila ang mga nakabsan sa kinabuhi nga mao sila Gervacio Almazan, 63, kanhi nagtrabaho sa gobyerno, ug iyang asawa nga si Violita Almazan, 62, DepEd supervisor sa Midsayap South District ug mga molupyo sa Barangay Poblacion, Magpet.

Gibutyag ni North Cotabato Provincial Police Office Director Danilo Peralta nga mga biktima sakay sa usa ka XRM 125 nga motorsiklo gikan sa Midsayap ug pauli na unta sa ilang bay sa dihang gisundan sa riding in tandem ug gipamusil gamit ang kalibre .45 nga pistola didto sa Barangay Dalingaoen.

Daling misibat ang mga suspetsado human sa hitabo.

Si Gervacio, kinsa nakaangkon og igo sa ulo ug likod, namatay gilayon, samtang si Violita nadala pa sa Cruzado Hospital sa Pikit apan lima ka minutos ang milabay, namatay usab siya gumikan sa naangkon nga samad pinusilan sa lawas.

Walay nakaila sa mga sibilyan sa mga namusil gumikan pulos sila naka-helmet.

Gimandoan na ni North Cotabato Governor Emmylou "Lala" Talino Mendoza ang kapulisan nga tutukan pag-ayo ang imbestigasyon sa pagpamusil patay sa magtiayon.

Gilantaw karon sa kapulisan ang posibleng selos sa trabaho ni Violita ang motibo sa pagpatay ug naapil lang ang iyang bana. (Edgar Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph