Donaire mibahad nga tumbahon si Montiel

SA mga nagduda sa iyang abilidad, si Nonito “The Filipino Flash” Donaire mibahad nga iyang ipamatuod nga siya maoy umaabot nga labing kuyaw sa kalibutan sa boksing.

Tinguha ni Donaire nga iyang pakamangon si World Boxing Council (WBC) ug World Boxing Organization (WBO) bantamweight champion Fernando Montiel sa ilang panagharong karong Pebrero 19 sa Las Vegas aron patak-umon ang baba sa iyang mga kritiko.

“There are plenty out there who are doubting my ability as a champion and that’s fine.

It’s up to me to prove to them. Once I take Montiel down, then that is more of a sweet victory,” matod ni Donaire sa interbyu sa www.boxingscene.com.

“I think it will definitely get my name out there as one of the elite. There will be no more doubters left out there.”

Si Donaire, kinsa maoy no.5 sa pound-for-pound rating, nagkanayon nga inig human ning awaya, hayan hasta ang iyang mga kritiko mokonsiderar na kaniya nga usa ka perlas sa kalibutan sa boksing.

“I think that the big boys will notice what I’m capable of, what I bring to the table, what I bring to the audience,” matod ni Donaire.

Nailhan og sugod si Donaire human sa iyang impresibong 5th round knockout nga kadaugan batok kang Vic Darchinyan, pipila na ka mga tuig ang nakalabay.

Apan human niini, maidlas kaayo ang dagkong mga away alang kang Donaire ug wala gyud siya nakapares og world-caliber nga boksidor.

Hinuon niadtong Disyembre, nakaharong na gyud si Donaire og dekalidad nga kontra nga si Wladimir Sidorenko, kinsa iyang gipakamang sa 4th round.

Alang kang Donaire, si Montiel gyud ang iyang pultahan para makuha ang kasikat ug respeto sa boxing fans.

Tinguha gyud niyang modaog batok kang Montiel pinaagi sa impresibong knockout.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph