Donaire mihari

SA PINAKAUNANG higayon sa iyang karera sa boksing, nakatilaw na gyud og kapildihan ang beteranong taga-Argentina nga si Omar "Hurrican"Narvaez gikan sa nagpungasing kinumo ni Nonito "The Filipino Flash" Donaire.

Malampuson nga nadepensahan ni Donaire ang iyang WBO/WBC bantamweight belt atol sa away niya tali Narvaez nga gihimo sa Madison Square Garden, New York kagahapong adlawa (adlaw sa Pilipinas).

Wa miobra ang mga "veteran's move" sa 36-anyos nga si Narvaez sa Argentina sa mas paspas nga mga kinumo ni Donaire.

Sa enterong away, halos si Donaire ang agresibo samtang si Narvaez pulos lamang depensa ang gipakita.

Si Donaire nakasul-ob og kolor pulang gloves, itom nga jersey ug kolor pink nga medyas isip pakigduyog sa kasaulugan sa National Breast Cancer Awareness Month.

Pagkahuman sa 12th round, nadepensahan sa reigning champion ang iyang titulo via unanimous decision base sa tulo ka iskor cards nga 120-108.

Tungod sa kadaugan ni Donaire, mibulsa siya og kapin P32 milyon ($750,000). Kini base sa nakabutang nga kontrata sa giilang "The Filipino Flash" sa Top Rank Promotion.

Human sa kadaugan ni Donaire, mipaabot sa ilang init nga pagbati ang palasyo.

Sa pakighinabi kang deputy presidential spokesperson Abigail Valte, gibutyag niini nga dakong dungog alang sa nasud ang gihimo sa Pinoy boxer nga napabilin niini ang iyang WBO/WBC bantamweight belt.

"Congratulations, we're all very proud of you... We're very, very proud of the win of Mr. Donaire. Nakikita natin (we can see) it's not only Rep. Manny Pacquiao who makes us proud when it comes to the boxing arena," ni Valte.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph