GIPABUHAGAY ni kanhi world champion Nonito “The Filipino Flash” Donaire nga nagplano na unta siyang moretiro niadtong 2012 human sa iyang impresibong kadaugan batok kang Toshiaki Nishioka sa Japan.
Human niya gi-knockout ang Japan boxing superstar, nagtuo si Donaire nga naabot na niya ang tanan ug wala na siya’y angayang pamatud-an sa kalibutan sa boksing.
“Honestly, after the Nishioka fight, I was really thinking about retiring,” asoy ni Donaire sa interbyu sa RingTV.com. “I felt like I had accomplished everything I set out to. I had won titles in multiple divisions, had made it to pound-for-pound lists.”
Asoy ni Donaire nga nibalik lang iyang gana sa boksing dihang giparang kaniya ang usa sa labing maayong Mexican fighter nga si Jorge Arce.
“(I) just decided to get back in the gym,” pasabot ni Donaire.
Gi-knockout sab ni Donaire si Arce hinungdan nga nakuha niya ang 2012 Fighter of the Year awardee lakip na sa ESPN ug Boxing Writers Association of America.
Sa miaging tuig, kaupat miaway si Donaire ig iyang nabantayan nga wala ang sobra na ang iyang kahago.
Sa labing ilahi niyang away, gilupig siya ni Cuban Guillermo Rigondeaux pinaagi sa desisyon.
