Drivers pakuhaon na og certification sa Tesda

IPATUMAN na sa Land Transportation Franchising and Regulatory Board sa katapusang quarter ning tuiga ang kamanduan sa Department of Transportation and Communication (DOTC) nga ipaubos sa assessment ug certification sa Technical Education and Skills Development Authority (Tesda) ang mga drayber sa mga publikong sakyanan.

Ubos sa DOTC order no. 2011-25, ang mga aplikante og certificate of public convenience gikinahanglan nga mopresentar og national certification gikan sa Tesda pagmatuod nga nakapasar sila sa assessment sa driver proficiency standards sa maong ahensiya.

Kinahanglan usab nga mopresentar ang mga operators sa mga public utility vehicles og listahan sa ilang mga drivers nga duly certified sa Tesda.

Kon mapakyas sila paghimo sa maong dugang rekisito, di sila tugtan nga maka-operate.

Matod ni Rainero Tomas Jayme, pangu sa assessment and certification unit sa Tesda, nga sugdan nila ang duha ka adlaw nga training sa safe, economical, environment friendly driving (SEEFD) karong Septiyembre 16-17.

Si LTFRB-7 Director Ahmed Cuizon niingon nga ang kamanduan sa DOTC una nila nga ipatuman sa mga bus drivers base sa ilang nauyonan.

Ang duha ka mga opisyal nagkanayon nga tumong ug tuyo sa kamanduan nga malikayan ang disgrasya sa kadalanan nga maglambigit og mga publikong sakyanan.

Sila niingon nga 90 porsiyento sa mga aksidente sa kadalanan kay driver error o ang pagpasagad sa mga driver og mga PUV labi na kadtong mga abusadong drayber nga kusog nga mopadagan sa ilang gimanehong sakyanan.

Pinaagi sa training ug seminar sa Tesda, tudloan ang mga drayber og vaules formation sama sa insaktong pagpadagan og sakyanan ug proper grooming pinaagi sa pagsul-ob og uniporme aron nindot ug limpyo tan-awon samtang mamasada.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph