SI MAYOR Rodrigo Duterte kagahapon nagpadayag sa iyang suporta sa bag-ong nasyunal nga polisiya sa pag-imposar og taas nga multa sa mga colorum nga behikulo ug malapason sa balaod trapiko.
"Colorum is a problem. Pag-nadisgrasya yan, wala pati insurance. It's about time," suma ni Duterte atol sa iyang programang Gikan sa Masa, Para sa Masa kagahapon.
Niadto lamang Dominggo, dunay 10 ka colorum buses ang nasikop sa nagkadaiyang dapit sa nasud.
Ang Joint Administrative Order (JAO) 2014-01 sa Department of Transportation and Communications (DOTC), Land Transportation Franchising and Regulatory Board (LTFRB), ug LTO nag-imposar sa taas nga multa sama sa P1 million alang sa bus, P200,000 alang sa trucks, P50,000 sa dyip, P200,000 sa vans, P120,000 sa taxi, ug P6,000 sa tricycles alang sa unang opensa.
Duha Bachelor Express buses sa Region 10 (Davao), nagkarga og mga pasahero gikan Butuan City paingon sa Cagayan naapil sa napulo ka mga colorum nga bus ang nasikop sa unang pagpatuman sa kamanduan.
"Bus with temporary plate no. 151010 was operating on an ordinary route in violation of its excursion/special trip authorization, and no registration papers could be presented to authorities. Bus with plate no. LYE-668 was also operating on an ordinary route in violation of its excursion/special trip authorization," suma sa report sa Official Gazette. (Arianne Caryl N. Casas)