Editoryal: Kinsay mipatay ni Fr. Pops?

KINSA kaha ang tinuod nga nagpatay kang Father Fausto Tentorio?

Mao kini ang pangutana nga nakahasol sa mga tawo human gipatay ang pari niadtong miaging semana didto sa kumbento sa Our Mother Perpetual Help Parish sa Arakan, North Cotabato. 

Ang maong pangutana nagkinahanglan og tubag aron mahatagan kita og katin-awan.  

Ang National Democratic Front of the Philippines (NDFP) nag-akusa sa militar nga maoy nagpatay sa pari, apan milimod niini ang Eastern Mindanao Command sa Philippine Army. 

Mibawos sab ang militar pinaagi sa pagsulti nga binuhatan kadto sa mga rebeldeng New People's Army.  

Dinhi misamot ang kalibog sa publiko sanglit way miangkon sa duha ka pundok.  

Si Father Pops iladong nagtabang sa mga dinaug-daug nga lumad sa Arakan Valley.  

Dunay nagsulti nga siya ang hinungdan nga nakabaton og kaisog ang mga lumad batok sa gobyerno maong nagtuo silang gipatay siya sa sundalo. 

Kay wa may miangkon sa duha ka pundok, basin ingon nila nga nagpakamatay ang ang Italyanong pari?

Di sab halayo dinhi ang katahap nga mga dakong minero ang nagpapatay sa pari kay lagi usa man siya sa mibabag sa mining operation sa Arakan Valley. 

Kung dunay cartographic sketch ang mga otoridad, kinsa kaha kadtong mga tawhana? 

Di kaha sila bunga lamang sa huna-huna aron taguan ang tinuod nga mamumuno kang Fr. Pops?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph