Editoryal: Merkado sa Mandaue, Talisay

SUKWAHI sa dakbayan sa Talisay, hapsay ug malinawon nga gibuksan ang bag-ong merkado sa Mandaue City niadtong Dominggo.

Usa ka santos nga misa maoy miabli sa inugurasyon nga gitambungan usab sa mga dagkong lider ug pulitiko sa maong dakbayan.

Kon unsa ka hapsay ang pagbalhin sa mga market vendors, makita usab sa kadaghanan nga daw sa gihikling sa mga kadagkuan ang panagbingkil sa pulitika.

Ang mayor nga si Jonas Cortes uban sa iyang mga kaalyado sa pulitiko ang nakigsawo nila ni kanhi mayor Pedong Ouano ug Teddy Ouano nga karon usa na ka board member.

Ang Cortes ug Ouano maoy higpit nga manag-atbang sa pulitika sa dakbayan sa Mandaue.

Apan bisan pa man niini, sila daw nagkahiusa ug ilang gipakita nga usa ug managsama ra diay ang ilang tumong ug kini mao ang pagserbisyo ug ang paghatag og kaayohan sa

katawhan.

Sa pagkahiusa sa mga dagkong lider sa maong siyudad bisan sa daklit lang, dali gilayon kining mi-epekto ngadto sa katawhan ug ang merkado ilang gihangop ug gihugopan.

Aron pa gyud paghatag og igong katagbawan, adunay rerouting schemes nga pagahimoon ang dakbayan aron sa merkado motadlas ang mga sakyanan.

Sa laktod nga pagkasulti, sakto sa pag-estudyo ang nahimo sa mga kagamhanan nga sa mga market vendors nakahatag og igong katagbawan.

Lahi ang sa Talisay, kay mora man hinuon og nagpinugsanay kay ang mga tindera puwerte mang supaka nga hangtod karon ang kagubot pabilin gihapon.

Hinaot nga ang Talisay magkat-on kon unsay gihimo sa Mandaue aron masulbad kining maong problema.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph