Editoryal: Pag-inhibit ni Judge Navarro

UNSAY matuod nga hinungdan sa kalit nga pag-inhibit ni RTC Judge Wilfredo Navarro niadtong Lunes sa paghupot sa kaso batok sa St. Theresa’s College (STC)?

Si Judge Navarro maoy nag-isyu sa temporary restraining order (TRO) bahin sa pagdili sa STC sa pag-apil sa graduation rites sa lima ka mga tinun-an sa high school tungod sa giingong law-ay nga gi-post sa Facebook apan, wala tumana sa naulahi.

Gikataho nga nasuko kaayo si Judge Navarro sa wala pagtuman sa STC sa iyang mando ug kini ang iyang gihimong rason sa pag-inhibit sa kaso human sa “bias’”o dili na patas unya sa paghusay sa kaso.

Ang STC gihatagan karon og higayon sa pagpa­sabot kon nganong dili sila angay pahamtangan og kasong comtempt human wala motuman sa kaso.

Laing pangutana mitumaw. Kon nagtuo si Navarro nga nakalapas ang STC sa iyang mando, nganong wala siya moluwat og contempt sa wala pa mo-inhibit?

Tungod sa maong sitwasyon, mitumaw ang daghang hugonhugon sama sa pressure ug implu­wensya gikan sa gawas sa korte. Hinaut nga dili unta. Kini dakong sampalong sa hudikatura.

Hinuon, ang kaso sa STC nasang-at karon sa Commission of Human Rights (CHR) 7.

Sa habig sa STC, nasayran nga ilang gisubay ang ‘ue process nga internal sa tunghaan.

Gipatawag ang mga hingtungdan, giingong gipaubos sa retreat ug gikonsulta ang mga ginikanan.

Apan, ang ilang aksyon sa pagbaliwala sa TRO lahing kaso nga ilang angay mapasabot sa publiko.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph