Editoryal: Pag-uswag sa barangay election

TINGUHA karon ni Commission on Election (Co­melec) chairman Sixto Brillantes nga mauswag ang piniliay sa Barangay nga ipahigayon karong bulan sa Oktubre.

Mopalabang si Brillantes og resolution nga nag-awhag sa Kongreso nga ang maong piniliay maisbog ug mapahigayon sa Oktubre sunod tuig o sa bulan sa Enero 2015.

Rason ni Brillantes mao nga hatagan unta usab sila og panahon nga makapahuway human sa miaging midterm elections ug sa samang higayon, matagad ang mga protesta sa milabayng piniliay mga ipasaka sa ilang buhatan.

Makakombinsi kaha kining rasona ni Presidente Noynoy Aquino III kinsa mipahibawo nga pabor siya sa idayon ang piniliay karong tuiga?

Duha ka higayon nga naisbog ang piniliay sa barangay. Kini kaniadtong Pebrero 14, 1998 ug sa Marso 19, 2002.

Apan niadtong higayona, ang Kongreso maoy mihimo sa maong lakang tungod sa laing rason nga mao ang sagunson nga gastuhan sa gobiyerno.

Niadtong Disyembre, si Sen. Bongbong Marcos mipahibawo nga pabor siya nga i-isbog ang piniliay ngadto sa Oktubre 15 ug sa samang higayon lugwayan ngadto sa lima ka tuig ang matag termino.

Mao usab kini ang pasalig ni Senate President Juan Ponce Enrile kansang anak nga si Jackie midagan apan napildi sa miaging piniliay.

Dunay punto nganong dili angay nga mopahigayon og duha ka piniliay sa matag tuig ang nasod tungod sa kaapiki ug kadako gastuhan, pero ang nakalisod lang kay mahisgutan ra man sab ni sa mga pulitiko kon maghinangat na ang piniliay.

Gihimo man sab ni nilang kabahin sa ilang pagpangampanya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph