Editoryal: Unsay itaho ni PNoy?

DAGHANG nag-atang sa ikatulong state of the nation address (Sona) ni Presidente Benigno Aquino III karong hapon.

Kuryuso ug buot masayod ang kadaghanan sa mga Filipono kon unsay itaho ni PNoy sa paglabang na sa katunga sa termino isip pangulo sa Pilipinas.

Sulod sa tulo ka tuig sa iyang pagka presidente, iyang bang napabarog ang gambalay o pundasyon alang sa pagbangon sa ekonomiya sa nasod?

Ang tulo ka tuig nga pagdumala, igo na segurong masinati og gamay sa katawhan ang kahayag sa pag-umento sa kinabuhi.

Apan kon pangutan-an nimo ang yanong mamumuo o molupyo, walay lipudlpod sa pag-ingon nga walay kalahian sa ilang kahimtang ubos sa miaging administrasyon.

Ang tunog kaayong gitutokan ug makita mao ang paggukod sa iyang kaatbang sa pulitika ug kanhi mga opisyal. Gihimo ubos sa katatungan nga kampanya ni PNoy bahin sa ‘good governance.’

Hinuon, maayong pasidaan kini labi na sa taas nga mga opisyal nga magtinarong sa pagserbis­yo sa ka­tawhan.

Ang deperensya, wala bay samang alegasyon sa kasamtangan apan ‘gitapin-an’?

Dunay na­butyag sa mga miaging balita apan nahilom lang, sama niadtong pagsulod sa bag-ong liderato sa Phi­lip­pine Amusement and Gaming Corp. (Pagcor).

Kini ug uban pa unya na usab mautingkay sa sunod nga administrasyon? Maayo mohatag og ehemplo si PNoy sa paggukod mismo sa iyang mga tawo.

Usa sa gustong mabati sa publiko sa Sona ni PNoy mao ang iyang plano sa seguridad sa nasod ug ang pagresulbar sa nagkagrabeng ten­syon sa panag-ilog sa mga isla sa Spratlys tali sa agresibong China.

Mamati kita sa Sona karon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph