Emano dili na ‘mokandidato’

HUMAN sa kaparutan sa pagpapili isip mayor sa siyudad sa Cagayan de Oro batok kang Mayor-elect Governor Oscar Moreno namahayag si Emano nga naglibog siya kung mokandidato ug balik alang sa siyudad.

Atol sa iyang programa sa usa ka sibyaan sa radio namahayahag si Emano nga tuod normal lamang alang kaniya ang tanan nga nahitabo apan kung hisgotan kung magpapili siya ug balik pagka mayor sa siyudad dili pa niya kini matubag sa kasamtangan.

“Layo pa kaayo nga hisgotan ang sunod nga eleksyon nga wala pa gani nakalingkod ang bag-ong napili,” butyag niini.

Gani mipasiaw kini nga karon nga wala na siyay gihuptan nga pwesto mag-snipper na lamang siya sa usa ka sibyaan sa radio. Dugang niini nga adunay offer kaniya nga mga trabaho ngadto sa kaulohan apan iyang gibalibaran tungod kay mas pilion usa niya nga magpahulay.

Matud niini nga dili pa niya huna-hunaon ang sunod nga eleksyon.

u201cNgani daghan miingon nako nga dali rana ang tulo ka tuig, tulo rana ka pistahan,” mikatawa nga butyag niini apan gipasabot niini nga wala pa niabot sa iyang hunahuna ang magpapili sa sunod nga eleksyon tungod usab sa iyang pangidaron.

Matud ni Emano nga iyang suportahan lamang iyang mga anak nga si Nadia Emano-Elipe kinsa ikaduha nga napiling konsehal sa siyudad sa ikaduhang distrito ug anak nga si Bambi Emano isip gobernador sa probinsya sa Misamis Oriental. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph