Environmental group: Forest rangers angay proteksiyonan

GIHULAGWAY sa usa ka langyaw'ng environmentalist nga usa ka trahedya ang pagpamatay sa mga forest rangers dinhi.

Alang ni Jonathon Bentley Stevens, pangulo sa Bentley House International Corporation, usa ka internasyunal nga grupo nga nagapasiugda og kalihukan alang sa kinaiyahan, nga mga forest rangers di angay nga pasidan-an tungod sila naghimo na lamang sa ilang responsibilidad nga panalipdan ang kabukiran.

"It's a tragedy! Our forest rangers are there to protect the forest, and they should be protected. They are the last defense of our forest," ni Stevens sa Kapehan sa Dabaw, Lunes.

Dugang pa nga panahon na sab nga mopataliwala ang gobyerno sa maong suliran aron di mabutang sa alaot ang kahimtang sa mga tigbalantay sa kalasangan.

Usa sab sa gisugyot ni Stevens nga mga forest rangers angay nga ubanan sa miyembro sa sundalo hilabi na og may himuon sila nga operasyon, sitahon nga nakalapas sa kamanduan, nga magbutang sa alanganin sa ilang kinabuhi.

"The forest guards should be accompanied by the army. They should be protected; their job is not that easy."

Ni Stevenson, armado ang sagad maka-atbang sa mga forest rangers, rason nga di sayon ang pagputol sa mga kalihukan nga ilegal nga pagpamutol og kahoy sa mga gi-preserbang lugar sa nasud.

Ang grupo ni Stevenson may proyektong rehabilitasyon sa kalasangan sa Sarangani, katambayayong niini ang nagkadaiyang grupo, lakip na si Congressman Manny Pacquaio.

Aron mas paspas, epektibo ang pagbuhat sa ilang responsibilidad, magmuntar og on-site monitor building, ang grupo didto sa Sarangani nga magamit sa mga forest rangers.

Ang on-site monitor building butangan og telepono, Internet connection, uban pang gikinahanglan aron mas paspas ang pagdawat nila og report, makapangayo dayon og ayuda ang mga nahisgutan.

Batbat ni Stevenson, abunda sa natural nga rekurso ang Mindanao, gikinahanglan lamang gyud kini nga alimahon ug tutukan gikan sa pagpasipala sa uban.

Giawhag sab niini ang publiko nga makigduyog sa kampanya sa gobyerno kontra ilegal nga pagpamutol og kahoy, pinaagi sa pagsumbong kanila ngadto sa otoridad.

Nauna na sab nga gi-deploy ang 207 ka forest rangers sa kalasangan sa Davao aron istrikto nga ipatuman ang executive order nga nag-deklara og moratorium sa pagpamutol og pag-harvest og timber, usa ka klase sa kahoy.

Mga nahisgutan kabahin sa anti-illegal logging task force nga gimugna sa regional office sa Department of Environment and Natural Resources (DENR) dinhi, aron ipatuman nila ang Executive Order 23 (EO) nga gi-isyu ni Presidente Benigno Aquino III.

Luyo niini, motabang sab sila sa pagpatuman sa ubang environmental laws.

Dinhi sa Davao Region, mga giilang hotspot areas sa illegal logging operations mao ang Davao Oriental, Davao Del Norte ug Compostela Valley. (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph