Fajardo na-injured

DI makaduwa og duha ngadto sa tulo ka semana ang Sugboanong no. 1 draft pick sa PBA nga si June Mar Fajardo sa Petron Blazers human kini ma-injured atol sa ilang duwa batok sa San Mig Coffee Mixers niadtong Dominggo diin sila napildi, 90-84.

Si Fajardo anaa karon sa Cardinal Santos hospital didto sa Kaulohan human dunay gipamating sakit sa iyang scrotum o itlog sa dihang naigo kini ni San Mig forward Marc Pingris.

Matod pa sa physical therapist sa Petron nga si Albert Rolle nga dunay dugo ang itlog sa 6-10 nga basketbolista. Sa maong duwa, maayo na unta ang gipakita ni Fajardo diin mitali kini og 16 puntos, 13 ka rebounds, tulo ka steals ug usa ka blocked shot.

Matod ni Rolle nga ang mga doctors mipadayag nga kinahanglan papahuwayon ug pahigdaon lang una si Fajardo og pipila ka adlaw samtang nagsigi kinig tumar og mga antibiotics aron malikayan ang infection ug ingon man mapaalim ang mga bun-og.

Posibli usab nga ma­operahan ang produkto sa University of Cebu apan di na kini kina­hanglanon kon ug ganing mohunong na ang pagsigi og dugo, matod pa ni Rolle.

Obserbahan pa ang kondisyon ni Fajardo karong adlawa.

Si Petron coach Olsen Racela mibutyag nga moduwa sila nga wala ang ilang higanti batok sa Alaska karong Biyernes ug ingon man batok sa Ginebra sa Dominggo. Si Dorian Pena maoy mahipuli sa iyang puwesto.

“Wala tayong magagawa,” matod ni Racela. “Sayang nga dahil ang ganda ng breakthrough game ni June Mar.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph