Faulty electrical wiring hinungdan sa sunog

FAULTY electrical wiring ang gituohang hinungdan sa pag-ulbo sa sunog sa Misamis Oriental Veterinary Office niadtong Huwebes mga alas 2:45 sa hapon sa dalan Velez-Luna St, ning siyudad sa Cagayan de Oro.

Si Senior Fire Officer 3 (SFO3) Rosalito Caratao sa Bureau of Fire Protection (BFP) niingon nga sa alkuba nga bahin nagikan ang kalayo tungod sa kadugayon na sa building niini.

Gibana-banang moabot ngadto sa P300 mil ang danyos sa sunog ug apil sa nasunog ang Department of Agriculture (DA) Regional Administrative office ug Misamis Oriental Provincial Motorpool. Apil sa mga nasunog ang mga importanteng mga kabtangan sulod sa opisina sa Veterinary Office.

Tungod usab sa paspas nga pagresponde sa mga bombero wala na mikaylap pa sa mga kasikbit nga buhatan ang kalayo.

Gani gibutyag ni Caratao nga dali lang kaayo nadeklarar nga fire out ang pag-ulbo tungod usab sa mitabang nga pipila ka mga volunteer nga mga bombero.

Si Dr. Benjamin Resma, empleyado sa Veterinary Office, niingon nga tulo ka mga computer, usa ka laptop nga adunay importanteng mga files ang nasunog, tulo ka mga dagkong refrigerator, upat ka aircondition, ug mga tambal alang sa mga bakuna ug sa mga mananap ang apil sa nasunog kay ubay-ubay ka mga na-stock gani sa ilang pagsumada moabot ngadto sa 1 milyones ang danyos sa mga kabtangan.

Dugang niini nga maglisod pa sila ning panahona kung asa dapit mobalhin sa buhatan labina naugdaw man pag-ayo ang ilang buhatan. Gibutyag niini nga ila usa salbaron ang ilang mga butang ug sa kasamtangan sa garahe dapit.

Gani magproblema sila kung adunay magpatambal tungod kay walay bangko ug mga personal nga gamit sa empleyado kay apil sa nasunog. Mokabat sa 12 ka empleyado ang sakop sa maong buhatan ug tulo niini ang anaa sa field.

u201cAng among tanan record, libro, ug personal nga records, ang nasunog, nangabasa ug nasunog mao nga wala jud tay nadala,” butyag niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph