Gatusang pamilya mibakwit tungod sa engkuwentro

MIDSAYAP, North Cotabato - Gatusan ka mga sibilyan ang namakwit tungod sa panag-engkwentro sa mga armadong grupo alas 8:00 sa gabii niadtong Sabado.

Gibutyag ni 40th Infantry Battalion Philippine Army commanding officer Colonel Roy Galido nga mibakwit ang katawhan tungod subling nag-abot ang mga armadong sakop ni Barangay Chairman Renz Tukuran ug Kumander Abas Kudanding sa 105th Base Command sa Moro Islamic Liberation Front (MILF) sa Barangay Lomopog, Midsayap, North Cotabato.

Gumikan sa mga dagkong buto sa armas nagkatibulaag ang mga sibilyan sa pagpanagan paingon sa luwas nga dapit sa kahadlok nga maipit sa kagubot.

Hangtud sa pagsulat ning balita kagahapon, naglisod pagsud ang GPH/MILF Coordinating Committee on Cessation of Hostilities uban ang International Monitoring Team (IMT) sa dapit diin nagka-engkwentro ang duha ka pundok tungod kay padayon pa ang binakbakay.

Gidugang ni Galido nga nagpadala na sila og peacekeeping force nga maoy magbantay sa mga sibilyan aron dili mapagan sa kagubot.

Giingon nga rido ang hinungdan engkwentro sa grupo ni Tukuran ug Kudanding gumikan sa bikil sa yuta nga ilang giugmad.

Nagpadala na sab og hinabang si Midsayap Mayor Manuel Rabara ug Cotabato Governor Emmylou "Lala" Tali¤o-Mendoza ngadto sa mga bakwet nga temporaryo nga namuyo sa mga eskwelahan sa Barangay Sambulawan. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph