SIYENTO por siyento nalipay kitang tanan human gilagdaan ni P-Noy ang balaod nga maghatag og silot sa mga drivers nga hubog ug migamit sa ginadili nga druga samtang nagmaneho sa sakyanan.
Nahibawo ba kamo kon kinsa ang principal author niining balaora? Ang anti drunk driving law, was authored in the House of Representatives by former President and now Pampanga Rep. Gloria Macapagal Arroyo, ug ang version sa Senado mao si Senador Gringo Honasan.
Dili kaayo dautan ang pagtan-aw ni P-Noy sa kanhi presidente kay ang mga maayong buhat niini iya man gipdayon. Sama pananglit sa 4Ps nga sa iyang version karon, Conditional Cash Transfer (CCT), ug karon ang ANTI-DRUNK AND DRUGED DRIVING LAW.
Pero usa sa atong nasilip nga portion sa implementing rules and regulations (IRR), makalibog. Mapanimahoan ka lang nga amoy alak, mabilanggo ka dayon sulod sa tulo ka bulan, ug pamultahon gikan sa P20,000 hangtud sa P80,000 bisan kon wala pay disgrasiya nga mahitabo.
Si Assistant Health Secretary Eric Tayag nagluwat og pamahayag, gawas nga simhoton gyud ang ginhawa sa mga drivers, gikinahanglan ang pag-examine sa ilang dugo o blood alcoholic level.
Abi ninyo, ang tawo nga palainom mosugot kita'g sa dili, ang dugo niya taas gyud og alcoholic level, o high blood alcoholic level bisan pa kon wala siya makainom nianang tongura panahon sa iyang examine? Mao bitaw nga mailhan ang tawo pinaagi sa pag-examine sa iyang dugo nga nagagamit og ginadili nga druga!
Maayo ang tumong niining balaora kay makasiguro kita nga hilwas ang atong kaugalingon samtang nagsakay kita sa mga de pasaherong sakyanan, bisan pa niadtong mga cargo truck.
Pero makasiguro kaha kita nga mapatuman ang RA 10586 nga mas nailing Anti-Drunk and Druged Driving Law? Sa wala pa pirmamahi ni P-Noy kining balaora, aduna nay 48 ka tuig nga Land Trasportation and Traffic Code nga nagmulta sa drunk driving sa kantidad nga P500.00 lamang, pero murag wa may nahitabo?
Gawas pa, dili kaha ni ma-converted to cash sa mga traffic enforcers? Kini bitaw gitawag og "Kotong Cops" sa mga binugoy nga pagkasulti mga buaya sa kalsada?
Bisag nanimaho nang alak, basta bigyan sa nakainom nga driver, okay lang, walay dakop nga mahitabo. Hibawo naman ta nga ningas cogon ang pag-implementar sa atong nagtipon-og nga balaod.
Hinaut nga dili kini mohupas. Maayong mo-implementar kon bag-o pa, pero kong magkadugay na, maglurat nalang ang mata sa atong mga traffic enforcer -- dili na magpakabana. Mura gyud og buaya nga kon busog na, kanunay nalang matulog, diba sir? Inyo ning trabaho, busa, lihok na mo -- ayaw pagluya-luya.
Ang Kontra Balanse Mabati usab sa radyo dxKT 1071 khz alas 7:30 hangtud alas 8:30 Lunes hangtud Sabado.