Gibanhigan, 2 grabe

COTABATO CITY -- Duha ka mga tawo ang naangol sa nahitabong pagpamahig didto sa probinsiya sa Maguindanao alas 2:50 sa hapon niadtong Dominggo.

Mga biktima naila nga sila Adam Iskak, 41, minyo, ug ang traysikad drayber nga si Esmael Sungan, pulos molupyo didto sa Barangay Poblacion, Datu Piang.

Nasayran gikan kang 6th Infantry Division Public Affairs chief Colonel Prudencio Asto nga sakay ang mga biktima sa traysikad nga gimaneho ni Sungan sa dihang nahitabo ang pagpamanhig.

Sumala pa nga gikan ang duruha sa merkado publiko ug pauli na unta sa ilang bay sa diha nga kalit silang gibanhigan sa wala mailhing mga armadong lalaki.

Bisan kon samdan ang mga biktima, nakahimo pa gihapon silang nakalingkawas pinaagi sa pagpadagan sa traysikad palayo sa mga armado.

Mga biktima dali nga gidala didto sa Cotabato Regional and Medical Center, kon diin talandugon ang ilang kahimtang.

Sila Iskak ug Sungan nakaangkon og daghang samad sa lawas sa pagpamusil gamit ang kalibre .45 nga pistola.

Blangko pa ang kapulisan sa motibo sa pagpamusil sa mga biktima ug mihimo pa og dugang imbestigasyon bahin niini. (Edgardo Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph