Gipakita’g kinatawo

USA ka laundry attendant ang daling mipatim-aw sa kapulisan aron magpatala kay gipakita siya sa kinatawo sa ulitawo alas 5:00 sa hapon, Lunes.

Ang insidente nahitabo sa laundry shop atubangan sa Don Manuel Elementary School, Barangay Matina Aplaya, siyudad sa Davao.

Usa ka alyas Ann, 18, nagpuyo sa Punta Dumalag, Barangay Matina Aplaya, ang nagpatala sa Talomo Police Station alas 7:40 sa gabii sa samang adlaw kay gipakita siya ni alyas Karlo.

Ingon ni Ann nga samtang nagkuri-kuri siya sa mga gimbuhaton, kalit misulod si Karlo dayon gipakita ang nagtindog nga kinatawo niini.

Sa maong hitabo, suma niya, ang duha niya ka mga kauban sa shop ang nakasaksi sa panghitabo human siya misiyagit tungod sa iyang nakita.

Human siya misiyagit, kalit midagan ang suspek kinsa ilang gidudahan nga mobalik sa lugar.

Sa laing bahin, alas 11:00 sa gabii sa samang adlaw, nagpatala sab ang usa ka alyas Kristal, 23, estudyante, nagpuyo sa Barangay 23-C, gumikan kay gibaklad siya sa banyo samtang nangihi.

Giingon ni Kristal nga dihang mibisita siya sa balay sa iyang uyab sa Sto. Nino, Matina gibaklad siya ni alyas Ging-Ging.

Nailhan ang suspek gumikan pipila ka silingan nakakita sa pagdagan sa suspek gikan sa kilid sa ilang banyo.

Hinuon, ang duha ka mga kaso giduso na sa kapulisan sa barangay lebel aron didto mapatawag ang mga suspek. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph