Gipatay human sa paghatod sa textmate

TRABAHANTE sa laun­dry shop gipusil patay human niya gihatod ang iyang textmate kagahapon sa alas 12:30 sa kaadlawon sa hilit nga lugar Sitio Tubod, Barangay Valencia, dakbayan sa Carcar.

Si Jay Tampa, 22, ulitawo, taga Barangay Buenavista, dakbayan sa Carcar, gideklarar nga dead-on-arrival (DOA) sa tambalanan sa maong dakba­yan tu­ngod sa mga samad sa bu­ko-buko ug duha sa ulo.

Si PO1 Pablo Rellen Jr., desk officer sa Carcar Police nga nahinabi sa Sun.Star Superbalita, nagkanayon nga ang biktima naghatod sa iyang mga higala nga sila si Cesmer Caban, 25, dalaga, taga dalan A. Lopez, dakbayan sa Sugbo ug katabang niining 15 anyos.

Sa pag-uli niini sakay sa iyang motorsiklo nga pipila ka metros ang gilay-on sa balay ug ngingit ug daghang kasagbutan, siya gipusil sa makadaghang higayon saw a hiilhing tawo.

Naigo siya sa ulo ug buko-buko.

Tungod sa buto-buto sa armas, gisusi gilayon nila ni Cesmer ug sa iyang mga higala ang dapit diin ilang nakit-an ang biktima nga naglunang sa kaugali­ngong dugo sa dalan.

Gidali nila sa pagdala sa tambalanan apan way swerte kay gideklarar nga DOA tungod sa ka fatal sa iyang mga samad pinusilan.

Si Inps. Andres Alpas, deputy police chief sa Carcar nga nahinabi sa Sun.Star Superbalita, nagkanayon nga wa pa gyud nila masubay ang motibo sa krimen.

Ilang nahibaw-an nga ang biktima ug si Caban “ka textmate” hinungdan nga nagkita sa plaza sa dakbayan sa Carcar, uban sa 15-anyos nga katabang.

Ang babaye nanghima­kak nga duna silay relasyon sa biktima, apan gi-angkon niini nga text mate sila hinungdan nga nagkita sila sa plaza dayon gihatod sila sa pagpa-uli.

Maglisod sila sa pag-ila sa mamumuno tungod sa kamingaw sa lugar nga interior nga portion sa bukid.

Wa say bisan usa nga nakakita sa krimen.

Ang babaye nibutyag nga di sila uyab samtang ang iyang uyab nga mangasa­wa kaniya ka­ron pang hinapos ning bu­wa­na maabot.

Giangkon niya nga kaslunon siya karong buwana kay mopauli na ang iyang uyab nga toa sa gawas sa nasud nagtrabaho.

Ang kabanay ingon man silingan sa biktima way nakit-ang motibo sa pag­patay sanglit buotan kini nga pagkatawo.

u201cMatinahuron kaayo daw ni siya walay kontra sa ilang lugar dili mo-inom, trabaho ra sa laundry. Maoy naka-busy niini hinungdan nga naglibog sila kon si kinsay nasuko ug gipatay,” dugang Alpas.

Naglibog sab hinuon ang mga kabanay niini nganong naabot siya sa lugar nga kadlawon na kaayo unya bukid pa kaayo nga dilikado ang agianan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph