USA ka ice cream vendor ang gipusil-patay human gi-karnap ang iyang gimaneho nga motorsiklo alas 6:30 sa buntag kagahapon, Martes.
Ang insidente nahitabo didto sa San Rafael Street, Skyline, Barangay Catalunan Grande.
Ang biktima mao si Rodger Quilayan, hamtong, habal-habal driver nagpuyo sa Sitio Soriano sa maong barangay.
Subay sa inisyal nga imbestigasyon sa Talomo Police Station, nagmaneho ang biktima sa iyang motorsiklo, mihunong kadali sa dapit.
Suma sa mga nakasaksi sa panghitabo nga dunay motor nga may angkas nga duha ka tawo nga mitapad sa biktima dayon kalit gipusil tumong sa ulo nga miresulta sa iyang kamatayon.
Dihang nahagba ang biktima, daling gisakyan ang motor niini dayon misibat ang mga karnaper.
Daling miabot sa crime scene ang asawa sa biktima kinsa giingon nga wala atraso ug bisyo ang iyang bana.
Gituohan sa kapulisan nga karnap ang motibo sa mga mamumuno.
Gisubay na sa kapulisan footage sa closed-circuit television camera nga gimuntar sa dapit aron maila ang mga mamumuno.