Gitulis gitabangan pagdunggab

NIDANGAT sa tambalanan ang usa ka dealer og cellular phone sa dakbayan sa Lapu-Lapu human gitulis sa grupo sa mga batan-on apan wa mohatag hinungdan nga siya gidunggab sa makadaghang mga higayon.

Sigun sa kapulisan nga kini nahitabo niadtong Biyernes pasado alas 11:00 sa gabii, sa may Sityo Timpolok, Brgy. Gun-ob.

Ang biktimang daling gidala sa Lapu-Lapu District Hospital, apan gibalhin lang usab dayon sa Vicente Sotto Memorial Medical Center (VSMMC) giila nga si Franklyn Alconsin, nagpuyo sa mao nga lugar, giingong dealer og cellphone.

Matod pa sa kapulisan nga ang biktima naglakaw lang pauli sa ilang balay sa dihang adunay grupo sa mga batan-on nga nibabag sa iyang agianan.

Ang mga batan-on ningtulis kaniya apan wa siya mohatag sa ilang gipangayo hinungdan nga gitabangan siya sa pagdunggab sa makadaghang higayon.

Human sa hitabo ang mga tulisan daling ningsibat samtang ang biktima nga

Nasamdan sa nagkadaiyang bahin sa iyang lawas daling gidala sa tambalanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph