Gwen masaligong BPO sa RP di maapektuhan

MASALIGON si Gobernador Gwen Garcia nga di maapektohan og dako ang industriya sa Business Process Outsourcing (BPO) sa Pilipinas sa House Bill 3596 nga gihingusgan ni United States President Barack Obama nga mapalabang sa US Congress.

Ang gobernador nagtuo nga ang Filipino community sa Estados Unidos dunay igong kusog sa pag-lobby aron pagsupak sa pagpalabang sa maong sugyot balaudnon.

Tumong ug tinguha sa US HB 3596 nga gitawag og “Call Center and Consumers Protection Bill” nga ang katawhan sa Amerika maoy makapahimulos sa mga trabaho nga gitanyag sa mga US companies nga nalambigit sa call center businesses ug likayan na ang outsourcing sa ubang kanasuran.

Si Garcia niingon nga angay nato hinumdoman nga di lang ang Estados Unidos maoy kliyente sa BPO industry sa Pilipinas kon dili duna usay ubang mga dapit nga gikan sa Uropa ug ubang kanasuran.

Ang gobernador masaligon nga mas nakabentaha gihapon ang mga trabahanteng Pinoy kon itandi sa mga trabahante sa ubang kanasuran tungod kay duna kita’y talento ug maayo usab kita manabi sa mga langyaw nga pinulongan kon itandi sa uban.

“Come what may, we will always be able to prevail by doing the best that we can by believing that the Filipino has the talent and the industry to meet all challenges head on,” matod ni Garcia sa pakighinabi sa mga sakop sa media sa Kapitolyo kagahapon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph