Gwen wa motubay kang Tom labot sa isyu sa Ciudad

DI NA tubayan ni Gob. Gwen Garcia ang mga patutsada ni kanhi mayor ug karon Kongresista Tomas Osmeña bahin sa Ciudad project.

Si Osmeña misugyot nga mas maayo pa nga butangan og sementeryo ang dapit sa Ciudad project inay tukoran og mga commercial establishments nga makamugna lang og kahuot sa dagan sa trapiko sa lugar.

“Let us not waste our time responding to his cemetery issue. He is getting vision of his own mortality, he is already thinking of the cemetery”, tubag sa gobernador sa maong isyu.

Si Garcia nagkanayon nga mas maayong tun-an pagbalik sa kongresista ang final points sa Banilad-Talamban area ug tan-awon kon duna bay mga resolusyon, ordinansa, statement of policy mahitungod sa syudad nga dunay moratorium sa development sa Ciudad project.

Si Rory Jon Sepulveda, Capitol consultant on information and Revenue Generation miklaro nga way moratorium sa maong proyekto.

Iya usab giklaro nga dili residential area kon dili commercial area ang dapit diin pabarogon ang Ciudad project nga maghatag og dakong kalamboan sa syudad labi na nga maghatag kini og daghang mga trabaho ngadto sa mga Sugbuanon.

Dugang ni Sepulveda nga gi-endorso na sa mga opisyal sa Barangay Apas ang maong proyekto ug duna na usay clearance samtang ang traffic study gisumitir na ngadto sa syudad.

u201cKon naglibog na siya kay gatuo na siya nga ang iyang laway maoy balaod sa Sugbo unfortunately para sa iya ang iyang laway karon dili balaod sa Sugbo”, pagsaway ni Sepulveda kang Osmeña.

Ang gobernador nidugang nga posibling naglibog lang ang kongresista ug wa na kini makasabot sa iyang gipang-estorya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph