Hangyo sa mga magtutudlo na di moserbisyo sa eleksyon gibasura

MANILA -- Ang Commission on Elections (Comelec) mibasura sa deklarasyon nga gihimo sa pipila ka mga 700 ka magtutudlo sa Maguindanao nga di mosilbi sa Oktubre 28 nga barangay eleksyon tungod sa kahadlok nga mameligro ang ilang kinabuhi.

Si Comelec Chairman Sixto Brillantes nagbutyag nga ang Comelec di mouyon sa hukom sa mga magtutudlo sanglit ang seguridad ila nang giatiman.

"Yung security problem, hindi dapat rason yun. Huwag niyo naman sabihin na takot kayo dahil may security problems. Lahat naman ng elesyon may security problems," suma ni Brillantes.

Siya nagkanayon nga ang Comelec adunay opsyon nga pugson sila o ipatuman ang silot sa mga magtutudlo sa publikong tunghaan nga mosupak sa pagserbisyo sa eleksyon apan wa nila kini gilantaw nga paagi.

"Pero ayaw naman natin ng pilitan. Kaya nakikiusap pa din kami na baka pwede sila mag-serve at bibigyan naman namin sila ng security," dugang niya.

Iya usab gisulti nga samtang ang Comelec dunay igong contingencies sa maong suliran kon ilang plano matuman, ang commission buot gihapon nga ang mga magtutudlo maoy mohimo isip Board of Election Tellers (BET).

Base sa general instructions nga gipaguwa sa Comelec, ang BETs langkuban sa chairman ug duha ka miyembro, tanan kanila magtutudlo sa publikong tunghaan nga nakaserbisyo na niadtong Mayo 13 eleksyon.

Ang kakuwang sa public school teachers, sa laing bahin, mahimo silang hulipan sa magtutudlo sa pribadong tunghaan o civil servants basta rehistrado sila nga botante sa siyudad o lungsod diin sila magsilbi nga BET.

Di pa lang dugay, si Maguindanao election supervisor Udtog Tago nagbutyag nga dunay 700 magtutudlo nga di buot moserbisyo isip BETs human nakasinati og pagpanghasi sa mga politiko atol sa Mayo 13 nga eleksyon.

Labot isyu sa honorarium sa Alliance of Concerned Teachers (ACT), ang hepe nagkanayon nga di sila motuman sa panawagan sa grupo nga patas-an ang kantidad niini gikan sa naunang P2,500 alang sa BETs.

Suma niya nga ila kining himuon tungod ang bayad sa mga magtutudlo sama lamang sa kantidad sa Mayo 13 nga eleksyon.

Si Brillantes mipasabot nga atol sa Mayo 13 nga automated elections, ilang gibayaran ang magtutudlo, ang nagsilbi nga Board of Election Inspectors sa kantidad nga P2, 500 alang sa ilang serbisyo sa Final Testing and Sealing sa wa pa ang adlaw sa piniliay ug laing P2,500 alang sa Election Day duty.

Kahinumdoman, ang ACT nagsulti nga ilang mga miyembro naglaraw nga i-boycott ang Octubre 28 elections sanglit ang Comelec namugos nga mohatag kanila sa kantidad nga ubos sa unang P4, 000. (HDT/Sunnex)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph