Hero's Welcome naghulat kang Bb. Pilipinas-Universe 2014 Lastimosa

HUMAN masungkit ang korona sa Bb. Pilipinas-Universe 2014, si Mary Jean “MJ” Lastimosa mobalik sa iyang probinsya sa Cotabato ugmang adlawa.

Gikumpirma ni Cotabato Governor Emmylou "Lala" J. Taliño-Mendoza ang pagbalik ni MJ sa iyang lugar nga gitugutan sa Binibining Pilipinas Charities, Inc. (BPCI).

Lakip sa iskedyul ni MJ ang iyang courtesy call kang Gov. Taliño-Mendoza sa iyang opisina ug ang special appearance sa pag-abli sa "Sayaw Kutawato 2014" didto sa provincial gym, usa ka major event sa Centennial Celebrations sa maong probinsya.

Mobisita sab sa siya sa mga pasyente sa bag-ohay lang gitukod nga gambalay sa Cotabato Provincial Hospital (CPH) ug Crisis Intervention Center (CIC) diin daghang bata ang temporaryong nagpuyo.

Nakigtimbayayong sab si Gov. Taliño-Mendoza kang Oli Sara, kinsa manager ni MJ alang sa fan and autographs signing isip pagpasalamat sa suporta ug pag-ampo sa beauty queen.

Giawhag sab ang tanan niyang fans nga magsout og pula nga tshirt isip simbolo nga paghigugma ug pagsugat kang MJ.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph