Hirit: PAG-IHAP

Ayaw na ihapa

Ang balas sa baybayon

Sa imong pag-inusara

Kay dili ka makatumbok

Sa gidaghanon niini,

Sama ra nga wala ka

Makaihap kon kapila

Nabasa imong mga aping

Sa higayon nga nabuak

Ang imong kasingkasing.

Idaitol imong dunggan

Sa akong dughan ug suwayi

Pag-ihap ang tinagubtob

Sa akong kasingkasing.

Dili, dili ka makadungog

Sa matag pitik niini

Kon nabungol kas katahap.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph