NAHIMO nang blackbelter si Leo Fai sa Hong Kong, China ning bag-uhay lang human kini misagubang og dugang 80 ka mga oras sa hugot kaayong Eskrima training sa Doce Pares World Headquarters sa Sto. Niño Village sa Banilad, Cebu.
Si Fai maoy labing unang eskrima blackbelt gikan sa Hong Kong ug China.
Nagkanayon si Doce Pares Supreme Grandmaster Dionisio Cañete nga grabe ang dedikasyon ni Fai ug nalipay siya sa naabot niini.
“He came here and took a leave of absence from his duties as Sports TV presentor in Hong Kong to learn the Doce Pares,” pasabot ni SGM Cañete, kinsa maoy personal nga nag-train kang Fai.
“Fai also committed himself to establish the Doce Pares Hong Kong as he wants to impart his eskrima knowledge,” dugang ni SGM Cañete.
Si Fai nagpraktis sab sa Brazilian Jiu Jitsu ug usa ka Tae Kwon Do instructor.
