‘Ihulog na ang Super Suki Christmas Promo entries’

DOSE na lamang ka adlaw ang paabuton, maangkon na gyud ang tricycle ngadto sa palarang modaug sa Super Suki Christmas Raffle Promo 2014 karong Disyembre 18.

Sanglit nagkaduol na, daghan ang mga suki nga nanawag kung asa nila ihulog ang mga entries.

Alang sa kasayuran sa mga suki nga nagpuyo sa Davao del Norte, mahimo ninyong ihulog ang entries sa Radyo Natin FM nga nahimutang sa 3rd Floor, Leonarda Building, Sobrecary street corner Roxas Extension, Tagum City.

Pangitaa lang ang maabi-abihon ug buotan nga station manager, Elmer Tandoc, o bisan kinsa nga mga staff aron dawaton ang inyong mga entries.

Samtang ang mga molupyo sa Compostela Valley Province, aron di na kamo moanhi sa siyudad sa Davao, ihulog ang inyong entries sa Nanay Torina newsstand sa Nabunturan Public Transport Terminal.

Duna say drop box nga gipahiluna sa Dikster LPG Retailer nga nahimutang sa Crossing Gabi, lungsod sa Compostela, Comval.

Ug ang mga nagpuyo sa Davao del Sur tungod kay dunay drop box sa Muews Radio nga nahimutang sa Castillon Building, corner Magsaysay ug Lim Streets, Digos City.

Pangitaa lang ang buotan nga news director, Orlando Dinoy, o ilang mga staff aron mapahiluna ang mga entries.

Alang sa mga molupyo sa siyudad sa Davao, basaha sab ang listahan sa drop boxes sa pahinaa 13, alang sa inyong kasayuran.

Kon duna kamoy mga pangutana, text o tawag lamang sa 0920-938-0359. (Alger P. Dura)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph