NASIKOP ang ikalimang labing gipangita sa balaod didto sa lungsod sa Consolacion pinaagi sa warrant of arrest.
Ang nasikop giila nga si Armando Ibale Pepito, 41, molupyo sa Barangay Tayud sa naasoyng lungsod.
Si Pepito nag-atubang og kaso sa illegal nga drugas hinungdan nga nalutsan kinig warrant of arrest nga giisyu ni Judge Estella Cinco.
Ang kapulisan sa Consolacion pinangulohan sa ilang hepe nga si Sr. Insp. Frank Oriol ug kaubanan miadto sa pinuy-anan ni Pepito human sila makadawat og report nga anaa kini sa ilang balay.
Atol sa pagsikop, wa mopakitag pagsupak ang dinakpan ug malinawon ra kining mikuyog sa kapulisan.
Si Pepito anaa sa ilang listahan nga labing pinangita sa balaod ug anaa kini sa ikalimang dapit. (DRT)