Jailguards pasakaa'g kaso

GIKOMPIRMA sa Provincial Legal Officer sa Sarangani province nga anaa na sa iyang kamot ang mga affidavits sa mga testigong mga priso bahin sa gipalusot nga tulo ka granada sud sa selda sa Sarangani Provincial Jail niadtong miaging bulan.

Matud kang Atty. Arnel Zapatos, provincial legal officer, nga iya nang gitun-an og maayo ang nasangpit nga mga affidavits aron mapasaka na ang kasong kriminal ug administratibo batok sa mga jail guards ug opisyal sa provincial jail nga nagpasagad hinungdan nakalusot ang tulo ka granada sa selda.

Mismo si Sarangani Governor Migz Dominguez ang nagmando sa pagpahamtang og silot sa mga sad-an nga opisyal ug personahe sa provincial jail sa maong hitabo.

Sayo niini, si Dominguez nagkanayon nga ang tulo ka mga granada gamiton sa plano nga pagpaikyas sa pipila ka mga high profile nga binilanggo sa maong prisohan. (EF)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph