Kapulisan mosusi kon tinuod nga nurse ang nakuhaag nubain

SUSIHON sa Provincial Investigation and Detective Management Branch (PIDMB) kon tinuoray ba nga registered nurse ang 51-anyos nga inahan nga nasikop human makuhai og 6,000 ka mga ampules sa nubain nga way permit.

Si Supt. Henry Biñas sa pakighinabi sa Sun.Star Superbalita kagahapon nibutyag nga makig-alayon sila sa Professional Regulations Commission (PRC) ug Philippine Nurses’ Association (PNA) pagkompirmar sa pangangkon ni Leonarda Lim.

Kasong kalapasan sa Section 5 ug 11 sa Republic Act 9165 o Comprehensive Dangerous Drugs Act of 2002 ang gikatakda nga ipasaka sa kapulisan batok ni Lim karong hapon sa Talisay City Prosecutor’s Office.

Susihon usab sa PIDMB kon miyembro ba sa usa ka sindikato sa pagpayuhot og illegal nga drugas ang ginang nga taga Lower Pakigne, lungsod sa Minglanilla.

Si Biñas nitug-an nga basi sa ilang nadawat nga impormasyon, gikan sa Manila ang supplier og nubain ni Lim.

Matod niya nga maong ginang naila nga tigpayuhot og nubain sa Metro Cebu labi na sa Barangay Kamagayan sa siyudad sa Sugbo.

Si Biñas nidugang nga gihimakak ni Lim nga siya ang nanag-iya sa 6,000 ka nubain ampules nga nakuha gikan sa iyang posisyon sa operasyon sa PIDMB niadtong Biyernes sa gabii sa parking lot sa dakong mall sa Barangay Tabunok, dakbayan sa Talisay.

Ang opisyal niingon nga moabot sa P1.8 milyunes ang kantidad sa nubain nga nasakmit gikan ni Lim basi sa street value niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph