Kapulisan wala maglugak sa pagpakigbatok sa illegal drugs

DILI lugak ang kampanya sa mga kapulisan sa pagsugpo sa mga illegal drugs sa lungsod sa Medellin.

Kini maoy tubag ni Senior Supt. Patrocinio Co mendador kalabot sa pamahayag ni Mayor Ricky Ramirez.

Sa sayo pa si Ramirez miawhag sa mga kapulisan sa iyang lungsod nga pahugtan ang paggukod sa mga nagpayuhot sa gidiling drugas pinaagi sa pagpahigayon og mga checkpoints sa mga dapit nga gituohang naghitak ang mga drugas.

Ang maong pamahayag ni Ramirez iyang giluwatan human sa iyang pagpahigayon og public forum sa niaging semana sa Barangay Tindog diin pipila ka mga barangay ug town officials ang mipadayag sa ilang kabalaka tungod sa grabing pagdagsa sa mga illegal drugas sa pipila ka barangay.

Gituohan nga ang Canhabagat maoy barangay nga pinakadaghan og shabu.

“We are not remiss in our duties since we conducted province-wide operations last November,” matod ni Comendador sa iyang text message ngadto sa Sun.Star Cebu.

Hinuon giawhag ni Commendador ngadto ni Ramirez nga adto ipadangat ang iyang problema sa Philippine Drug Enforcement Agency (Pdea) 7 nga maoy unang ahensiya nga gitahasan sa pagsugpo sa gidiling drugas.

“The PNP is only there to support them,” ingon niya.

Si Pdea 7 Director Jigger Montallana, sa interview, mipasalig nga ilang aksiyonan ang gipadangat nga problema ni Ramirez.

“The LGUs can very well help if they put up a strong anti-drug advocacy and send a message to the drug dealers that they too abhor the use of (illegal) drugs,” matod ni Comendador.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph