`Killer’ sa 6 ka mga tawo nadakpan

SUSPEK sa walo ka sunodsunod nga mga pagpamusil sa dakbayan sa Lapu-Lapu, unom niini nangamatay, nasikop sa kapulisan human sa ginukdanay sa miaging gabii.

Ang suspek giila nga si Junery Cacha, 30, minyo, taga Sityo Buyong, Brgy. Maribago.

Matod sa kapulisan nga si Cacha naalarma pasado alas 11 sa Huwebes sa gabii tungod sa pagdala og motorsiklo nga way plate number ug adunay armas sa hawak.

Ang mga sakop sa tourist police pinangulohan ni PO2 Ron Vincent Gaite daling ningresponde nga niresulta sa pagkasikop sa gikatahapan.

Atol sa iyang pagkasikop, nakuha gikan sa iyang hawak ang kalibre .45 nga pistola samtang sa u-box sa motorsiklo nakuha ang laing .38 paltik revolver ug didto sab ang plate no. sa motorsiklo nga 9413-GT.

Sa gihimong follow-up operation sa kapulisan kagahapon sa buntag, nakuha gikan sa iyang balay ang laing duha ka mga armas nga .38 caliber revolver ug M-16 armalite rifle.

Si SPO2 Rolito Jumao-as sa homicide section sa Lapu-Lapu City Police Office (LCPO) nibutyag nga si Cacha maoy suspek sa walo ka sunodsunod nga pagpamusil sa ilang dapit, unom niini nangamatay.

Matod ni Jumao-as nga ang labing uwahing gipusil ni Cacha mao ang usa ka William Jasmin, taga Brgy. Suba Masulog, diin ang biktma nga naigo sa iyang lawas anaa karon sa Mactan Doctors Hospital.

Sa pagkakaron, ang Homicide Section padayon pa sa ilang pagpangukay sa ilang record aron masuta kon si kinsa kadtong iyang giingong mga gipamusil.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph