Kinsa kaha ang no.1 pick sa PBA Rookie Draft?

KARON nga nahuman na ang Philippine Basketball Association (PBA) Governor’s Cup, mitapon na ang atensyon ngadto sa PBA 2011 Rookie Draft nga ipahigayon karong Agusto 28 sa Robinson’s Place sa Manila.

Unya ang labing giatngan mao ang pangutana kon kinsa ang piliong no.1 pick ni Powerade Tigers coach Bo Perasol.

Giingong si RP Smart Gilas pointguard JV Casio mao ang punterya ni Perasol apan wala pa gyu’y kaseguroan ang tanan.

Naa sab ang ubang Gilas players nga sila si Marcio Lassiter ug Chris Lutz nga potensyal nga mahimong no.1 pick.

Ang ubang humot kaayo sa draft mao ang mga sakop gihapon sa Gilas nga sila si Andy Mark Barocca, Dylan Ababou, Mac Baracael, Jason Ballesteros unya naa sab si Paul Lee sa UE.

Kon buot hunahunaon, mas gikinahanglan sa Tigers ang dagko ug tag-as nga mga magduduwa apan giklaro ni team manager Gerard Francisco nga lisod gyud nilang buhian si Casio.

Sa kasamtangan, ang mga tawo sa ilawom sa Tigers mao sila si veteran Dennis Espino, Ricky Calimag ug JR Quinahan.

Human sa Tigers, ang Air 21 maoy sunod nga mopili dayon ang Meralco, Rain or Shine, B-Meg, Alaska, Barako, Petron, Ginebra ug Talk N’ Text.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph