Kita sa JR Borja Hospital misaka

MISAKA og halos tunga sa milyones ang kita sa JR Borja Hospital sa Barangay Carmen ning siyudad sa Cagayan de Oro.

Kini apil sa gibutyag ni Cagayan de Oro City Mayor Oscar Moreno atol sa ika-100 ka adlaw niini gikan sa pagserbisyo sa siyudad sugod sa pagkapili niini niadtong eleksyon sa Mayo 10.

Gipaabot sa mayor nga misaka na ngadto sa P1 milyon ang kita sa maong balay tambalanan sulod sa usa ka bulan sukwahi sa niaging administrasyon ni kanhi Mayor Vicente Emano nga taman lamang sa P500 mil.

Matud ni Moreno, dili pa kini mao ang iyang gitinguha sa maong balay tambalanan ug gusto niya moabot gyod sa P5 milyones ang kitaon niini matag bulan.

Apan gibutyag niini nga dili kini mahimo hangtod dili mahitso sa pasilidad o mga gamit ang maong ospital ug iyang gipasalig nga mas iprayoridad kini aron ang mga residente sa siyudad diha sa maong balay tambalanan maalagaran labina niadtong mga kabus. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph