Kon ikaw pahukmon: Bata nga mama

MGA alas 4 sa hapon sa Enero 5, 2000, si Sheila, 13, usa ka tinun-an sa first year high school, uban sa iyang mga higala, igsuon nga sila si Joy ug Ricky, nangadto sa manggahan likod sa ilang tunghaan aron manguhag mga mangga nga nangatagak.

Dihang mamauli na una sila sa ilang balay nianang mga alas 5 sa hapon, ang short pants ni Sheila nasangit sa koral. Iyang giingnan ang iyang mga igsuon nga huwaton siya, apan kini nanagan.

Samtang siya naninguha nga makalingkawas, kalit siyang gibitad ni Joey ug gitionan og kutsilyo. Gihulga siya ni Joey nga dunggabon kon siya maglangas.

Gidala siya ngadto sa usa ka punoan sa sambag diin dunay tunukon nga mga tanom.

Gimandoan si Sheila ni Joey sa paghigda samtang ang akusado naghukas sa iyang karsones ug brief.

Didto, gihukasan siya sa senina ug panty dayon giangkon ang iyang pagkababaye.

Pagkahuman, gibauran siya ni Joey nga di magsaba ni bisan kinsa sa hitabo kay kon iya ning buhaton, iyang patyon ang pamilya ni Sheila. Nakaratil pagdagan si Joey.

Nagpabilin siyag makadiyot sa dapit samtang nagsige og hilak.

Niadto siya sa tindahan sa iyang iyaan, kinsa natulog niadtong higayuna. Nagpabilin siyag makadiyot una pa siya niuli ug natulog. Tungod sa iyang kahadlok, wa gyud siya maglangas.

Paglabay sa pipila ka mga buwan, nimabdos si Sheila. Dihang gipugos pagpatug-an kinsa ang amahan sa iyang gisabak, didto na siya mosulti.

Si Joey nangatarungan nga nitabang siya sa pag-ayo sa balay sa ilang silingan gikan sa alas 8 sa buntag ngadto sa alas 5 sa hapon sa mao nga adlaw. Pag-abot niya sa ilang balay, gisugo siya sa iyang inahan sa pagtawag og mananabang kay ang iyang asawa manganakay.

Diha ra siya sa ilang balay hangtod nga nanganak kini. Ang igsuon sab ni Sheila nga si Joy niingon nga wa gyud niya biyai ang iyang igsuon dihang nasangit ang shorts niini hangtod nga niabot sila sa tindahan sa iyang iyaan.

Bisan si Lito, nag-atiman sa kamanggahan, nisaksi nga wa siya makakita kang Joey sa dapit.

Kinsa kaha ang nagsulti sa tinuod, si Sheila o Joey? Wa kaha magtumo-tumo ang dalagita? Sad-an ba ang akusado ning kasong rape nga gipasaka batok kaniya?

Hukom sa kasong rape

Napalgang sad-an ang akusado sa upat ka mga kasong rape nga gipasaka sa iyang anak. Gisilutan siyag death penalty sa matag count. Apan kay wa na may death penalty, gihimo kining reclusion perpetua nga way parole.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph