Kon ikaw pahukmon: Bayaw

KATORSE anyos na si Nora. Ang akusadong si Mario iyang bayaw kay bana sa iyang maguwang.

Niadong gabii sa Nobiyembre 11, 1999, sa mga alas 11 sa gabii, si Mario nikuha kang Nora sa balay sa ilang iyaan kay ang iyang maguwang nakuyapan sa clinic. Nikuyog sab ang dalagita sa pagtuo nga ang akusado nagsulti sa tinuod.

Inay sa clinic siya dad-on, didto sila niadto sa usa ka abandonadong pabrika. Sa ilang pag-abot sa usa ka hagip-ot nga agianan, kalit nga nihunong si Mario ug gikuptan ang wala nga bukto ni Nora.

Sa kahadlok sa dalagita, nisiyagit siya apan way nakadungog kay mingaw kaayo ang lugar. Gituok dayon siya ug gihulga nga patyon hinungdan nga wa na siyay nahimo ug nihilom na lang.

Gipahubo siya apan tungod sa iyang pagdumili, gihuboan siya ni Mario, kinsa sunod sab nga naghubo. Wa siya makadagan tungod kay giduot siya ngadto sa bungbong sa building. Giromansa una siyag maayo ni Mario samtang gipasandig una pa giangkon ang iyang pagkababaye.

Pagkahuman, gibauran siya ni Mario. Gidala unta siya sa terminal sa mga bus ug PUJ, apan nakahukom ang akusado nga moadto sila sa gitrabahoan sa iyang maguwang. Apan kay wa ang iyang maguwang, gidala siya ni Mario balik sa pabrika apan sa laing rota.

Didto, gipahimudsan na sab ang iyang pag­katawo. Wa gyud paminawa sa akusado ang iyang pagpakiluoy. Human niini, gidala siya sa terminal ug gipasakay.

Human niini, nisumbong siya sa iyang inahan ug lola sa iyang kasinatian.

Ang nisaksi pabor kang Mario mao si Nita, tag-iya sa balay nga giabangan sa akusado.

Matod ni Nita nga si Mario didto ra sa tibuok gabii sa Nobiyembre 11, 1999 sa iyang balay tungod kay iyang birthday.

Nibiya kini niana nang tungang gabii. Matod niya nideretso sa pag-uli si Mario kay dihang iyang giuli ang kaha nga iyang gihuwaman, didto man kini sa balay sa iyang inahan. Matod niya nga ang ilang balay naa sa likod sa pinuy-anan sa akusado.

Motuo ka bang si Mario diha ra sa balay ug nga si Nora namakak? Kon ikaw ang pahukmon, sad-an ba ang akusado ning gipasakang kaso batok kaniya?

Hukom sa kasong rape

Base sa positive identification, way dautang motibo sa pagsaksi ug namatud-ang dunay treachery sa pagpatay, ang akusadong gipasakaan og murder gikombikto sa hukmanan. Gisilutan ang akusado og reclusion perpetua.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph