Kon ikaw pahukmon: Tumo-tumo?

SI Tessie, 29-anyos, ang akusado nga si Rene ug Doodie nagpuyo lang sa usa ka balay nga usa ra sab ga kuwarto. Si Rene iyang pag-umangkon samtang si Doodie iyang ig-agaw.

Bag-o lang ni-resign gikan sa iyang trabaho si Tessie hinungdan nga matag adlaw, sila rang duha ni Rene ang mangahabilin sa balay samtang si Doodie nagtrabaho.

Mga ala 2 sa hapon niadtong Pebrero 10, 2000, nisulti si Rene sa iyang gugma ngadto kang Tessie. Kay kadugo ra man sila, gikasab-an ni Tessie si Rene. Apan gitubag siya sa iyang pag-umangkon sa pag-agawan nga kon di siya tubagon, luguson siya.

“Ayaw intawon ko hilabti kon tinuod kang ganahan ka kanako,” sulti sa iyaan ngadto sa iyang pag-umangkon. Apan si Rene nga ingon sa nayawaan na, nition kaniya og batangas knife, nihukas sa iyang karsones ug panty samtang siya naglingkod sa bench.

Naghukas usab si Rene sa iyang tanang sapot sa lawas dayon iyang gikabay-an si Tessie.

Nisukol ang iyang iyaan sa gibuhat sa iyang pag-umangkon aron di mabuong ang iyang pagkababaye. Apan wa siya makapiog sa kusog ni Rene.

Unang giduwaan ang iyang kinatawo una hingpit nga niangkon sa iyang pagkababaye ang akusado. Human niini, gibaharan siya ni Rene sa di pagsulti ni bisan kinsa kon di siya gustong patyon. Nasundan pa gyud kini nianang pagka ugma ug sa sunod adlaw.

Nisulti na gyud siya sa iyang ig-agaw ug sa iyang igsuong lalakekalabot sa hitabo.Nanumbong sila sa barangay hall mao nga napasaka ang kaso.

Apan si Rene nanghimakak nga iyang gilugos si Tessie. Matod niya nga ilang sinabutan ang ilang gibuhat apan gisumbong siya sa biktima kay nasuko ang mga ginikanan niini sa ilang relasyon. Nasakpan sab sila sa ilang mga paryente nga nag-sex hinungdan nga nagbutang butang na lang kaniya ang biktima.

Laing mga saksi ni Rene mao sila si Jundy, ilang barangay kapitan ug si Tony, uyoan sa akusado. Matod sa duha nga kanunay nilang makit-an nga magkuptanay sa ilang mga kamot ang akusado ug biktima.

Dihang iyang gisusi ang balay diin giingong nahitabo ang krimen,matod ni Jundy, nga maglisod siya sa pagtuo tungod kay gamay lang ang balay. Duna kiniy mga bungbung nga ginama lang sa kahoy. Agianan sa mga tawo sa merkado ang dapit busa imposible kaayong mahitabo ang giingong rape. Gani, makita sa mga tawo ang giingong nahitaboan sa paglugos.

Ning sitwasyuna, di kaha tinuod nga gitumo-tumoan lang si Rene ni Tessie? Ug nga ang kaso gisang-at tungod sa tinguha sa mga ginikanan ni Tessie nga silang duha magkabuwag? Nagtuo ka bang sad-an si Rene sa kasong paglugos kang Tessie, kana kon ikaw ang pahukmon?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph