Koreana naligo gi-video

MIDANGOP ug nagpatala sa buhatan sa Talomo Police Station ang usa ka Korean national human giingong gi-videohan sa sekyu samtang naligo alas 11:30 sa udto, Martes didto sa Mahogany Lu, Woodridge Subdivision, Barangay Ma-a.

Ang nasampit nga Korean national mao si Shinhu (bansagon gitago) 21, dalaga, nagpuyo sa nasampit nga subdivision.

Subay sa blotter sa Talomo PNP giingon sa dalagang langyaw nga samtang nag-shower siya, iyang nakita sa bintana sa banyo nga dunay migimaw nga cellphone nga gihigot sa PVC pipe nga maoy gihimong improvised monopad sa guwardiya.

Dihang migawas ang langyaw, iyang nakita nga giayo'g gunit sa suspek ang PVC pipe aron makuhaan og video ang pagkaligo niya.

Natala sa blotter ang pangalan sa suspek nga giangkon sab niya atubangan sa langyaw.

Ang suspek mao si Rex (bansagon gitago), 34, minyo, lumad nga taga Banga, South Cotabato ug sekyu ubos dakong security agency nga anaa nahimutang sa dalang Ramon Magsaysay Avenue.

Wa pa sab masayri sa tigsuwat kung magpasaka ba og reklamo ang langyaw ngadto sa korte batok sa guwardiya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph