Lalaki giluba sa manghod

OSPITAL ang gipadulngan sa 22 anyos nga lalaki human giluba sa manghod niini niadtong Domingo mga alas 11:30 sa buntag sa Barangay Hall covered court sa Barra, Macabalan ning siyudad sa Cagayan de Oro.

Nakaangkon og lawom nga samad sa iyang agtang si Norodim M. Dima, 22 human giluba sa iyang igsuon nga si Ryan, 20, gamit ang tinidor.

Sa report sa Northern Mindanao Medical Center (NMMC) diin gidala ang biktima, nahibaw-an nga miuli si Norodim nga gigutom pag-ayo.

Gibasol niini si Ryan tungod kay giingong gikaon og apil niini ang gibilin nga pagkaon alang kaniya.

Tungod niini naulit si Ryan sa mga pasangil ug mga dili maayong pulong nga nagikan sa igsuon hinungdan nga wala niini maagwanta gikuha niini ang tinidor ug deretsong giluba ang igsuon.

Daling gidala ang biktima sa NMMC kinsa luwas na sa makuyawn kahimtang apan nagpaalim na lang sa samad nga naangkon sa agtang niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph