Lalaki gisanggot sa ugangan

DAVAO DEL SUR -- Usa ka amahan ang misanggot sa kapuyo sa iyang anak human nagkabingkil sa dyutay nga hinungdan didto sa Sityo Fine Tree, Barangay Water Fall, lungsod sa Kiblawan.

Gisanggot mao si Domingo Blanco, 44, mag-uuma, kinsa nakaangkon og samad sa ulo ug likod mao nga gitambalan siya karon sa Gregorio Matas District Hospital.

Base sa imbestigasyon ni SPO1 Neil Roy Manib sa Kiblawan Police Station, nahitabo ang insidente alas 7:00 sa gabii niadtong Sabado.

Nasayran nga nagkalalis sila Blanco ug Vedasto Lambid, amahan sa kapuyo sa biktima ug wa madugay mikuha og sanggot ang suspek.

Ang suspek boluntaryong mitahan sa kapulisan sanglit andam niyang atubangon ang kasong ipasaka batok kaniya sa korte. (Orlando Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph