Lariosa: Ang kaso sa STC

MORAG naibtag dakong tunok ang school management sa St. Theresa’s College High School Department sa paglaban kanila ni Mons. Jose Palma, ang Arsobispo sa Sugbo.

Tungod niini nabahin ang sentimento sa publiko mahitungod ning maong isyu. Tinuod, nilampos ang mga ginikanan pagkuhag injunctive relief nga ilang gipasaka sa Korte. Usa ka kadaugan nga nakainsulto sa STC sa ilang gibarugan.

Ang pagpakitag paglaban ni Arsobispo Palma usa ka natural nga reaksiyon sa labing dakong haligi sa Simbahang Katoliko dinhi sa ato. Ang St. Theresa’s College usa ka eskuylahan nga nagmatuto sa mga mithi sa Simbahan gikan sa sinugdanan pa.

Apan ang pangutana mao kon naa ba gihisgutan sa klaro nga paghisgot sa ilang mga patakaran o polisiya ingon man mga lagda ug uban pa nga specific nga gilapas sa duha ka mga bata.

Ang pagpahiluna sa lewd photo sa Facebook account nga uso rong panahuna gisukip ba sa lagda. Kon way polisiya way gilapas ang mga bata. Kon saligan lang ang hilas nga hulagway ang tawo nabahin pag-ila niini.

Kadtong tawo nga hataas ang lugway sa panabot ug maalampaton (artistic) moingon gyud nga di hilas. Kadtong nagmatuto sa karaan nga pagtan-aw o hiktin ang panabot mosinggit nga kini hilas (obscene).

Angay ta matngunan ni aron way isyung mosilaob nga ingon niini. Kay wa motuo sa hukom sa Korte ang kadagkuan sa STC nag-atubang sa salang Contempt of Court.

Kining lindog modawat sa giingong moral decadence sa mga batan-on karon. Kini lang sa paghi­ngusog sa pre-marital sex nga mahimong inahan ang batan-on apan di asawa maoy usa sa kamatuoran niini.

Gawas pa, sila nagumon sa drugas ug ubang mga bisyo. Ang mga ginikanan, eskuylahan ug Simbahan may dakong papel pagtul-id sa ilang dalan. Matod pa ni PNoy subay sa “dalang matuwid.” aron mabulahan.

Sayri Kini. Way aksyon ang konseho sa San Fernando sa resolusyon sa Heritage & Tourism Council ubos sa Mayor’s Office paghandom o pag-comme­morate sa Abril 1 diin nahagsa ang abyon nga Ha­ponanon sa tuig 1944. Sa maong pagkahagsa nakit-an ang mga importanteng dokumento nga nagtug-an sa huyang nga panalipod sa mga Hapon sa Leyte.

Monang sa Leyte si General MacArthur nilusad sa Liberation War ug kadiyot ra ang gubat.

Ang oposisyon nga mga konsehal morag gikatlan kay wa motuo sa petsa. Hi nimohimo ra kuno sa tagsulat sa kasaysayan nga mao kining maglilindog. I was commissioned by the University of San Carlos (USC) to write the history of San Fernando under the Cebu Provincial History Project. Tagilapaw ang akong mga references. My finished product before it was released passed the close scrutiny of the USC Board of Editors.

Wa intawon ko nagpataka. Gani, kay nisalig ang USC kanako ako say gipasuwat sa kasaysayan sa lungsod sa Carmen. Unsa kahay nahimo ning mga konsehal sa San Fernando?

Sa sunod atong tan-awon ang ilang kahimuan sa minutes sa ilang mga session sud sa duha ka mga tuig. Mahibaw-an na!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph