Lim nagpalaban ni PNoy

TAGBILARAN CITY – Nu­not sa negatibong komentaryo sa pagkatap sa dagkong mga tarpaulin nga may hulagway ni Kong. Rene Ralampagos, Bohol 1st District, sa mga proyekto sa kadalanan, si Tagbilaran Mayor Dan Neri Lim nipaabot niining isyu ngadto kang Pres. Benigno “Noynoy” Aquino.

Niadtong miaging adlaw gipadala ni Lim ang iyang suwat kang Aquino uban sa hulagway sa mga tarpaulin nga gipamutang sa nagkadaiyang mga dapit sa siyudad ug sa kalungsoran sa distrito ni Relampagos.

Ang mayor nangu­tana kon ang gihimo ni Relampagos di ba kala­pasan sa palisiya ni Aquino nga nagdili sa mga opisyal sa gobyerno sa pag­butang og karatola sa mga proyekto nga gigastuhan sa pondo sa kagamhanan.

Nalatid sa palisiya sa presidente nga gipalig-on usab sa memorandum circular no. 2010-101 nga gipakanaog ni DILG Sec. Jesse Robredosa.

Sayo pa niini, mga caller ug texter sa programang Kwentas Klaras sa DYTR-Tinuod nga Radyo nisaway sa gihimo ni Relampagos nga pagusik-usik sa kwarta sa kagamhanan ug matod pa gihimo niining “in aid of re-election.”

Ang kongresista gihugonhugon nga magpasubli sa iyang posisyon sa eleksyon sa 2013 samtang si Lim gituhoang mo­atbang niini bisan wa pa siya modeklarar.

Sa iyang program sa radyo, si Lim namahayag nga wa na kinahanglana nga mopasundayag si Relampagos sa iyang dagway diha sa dagkong mga tar­paulin kay natural lang sa usa ka opisyal sa gobyerno nga motrabaho alang sa iyang mga constituent.

u201cLain nausab kini nga lakang sa pagsip-sip ni Re­lampagos ngadto sa presidente sanglit gi-apil man niya og pilit ang hulagway ni Pres. Aquino sa tarpaulin. Ang akong pangutana, nahibawo ba kaha ang pre­sidente nga gi-apil og pilit ni Relampagos ang iyang hulagway sa mga tarpaulin”, dugang pamahayag sa mayor.

Gibana-bana ni Lim nga kapin sa 30 ka mga dagkong tarpaulin ang gipamutang ni Relampagos sa daplin sa kadalanan aron pagpahibawo nga siya maoy naghatag og pondo alang sa pagpatrabaho niini lakip sa Tagbilaran.

Sa iyang bahin, miingon si Relampagos nga di siya sakop sa memorandum sa DILG sanglit di man siya usa ka lokal nga opisyal sama sa mga mayor ug gobernador. Ted B. Ayeng, Correspondent

Gisaway usab ni Lim nganong hangtud karon wala pa makapagawas og accomplishment report si Relampagos sa unang tuig niini isip kongresista aron mahibaw-an sa publiko kon diin paingon ang iyang P70 milyones nga priority development assistance fund (PDAF).

u201cAngay na nga bag-ohon nato ang politika dinhi sa Bohol ug kini maoy pangandoy sa

akong gipasiugdahan nga Ang Bag-ong Bol-anon movement,” matod ni Lim.

Sayo pa niini, gisaway ni Relampagos si Lim nga wa makasulbad sa mga problema sa siyudad sama sa libaungon nga kadalanan.

u201cKon duna man gani siyay projects kini wa magkinahanglan og utok,” saway sa kongresista. (TBA)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph